Azərbaycan Respublikası İqtisadiyyat və Sənaye Nazirliyinin 13.08.2015-ci il tarixli, İSN-X/O-5834/2015 saylı məktubunda göstərilir ki, Azərbaycan Respublikası Nazirlər Kabinetinin Yol Hərəkəti Təhlükəsizliyi Komissiyasının 30 iyun 2015-ci il tarixdə iclası keçirilmişdir.
İclasın “Bakı şəhərində nəqliyyatın hərəkətinin təkmilləşdirilməsi üzrə əlavə tədbirlər haqqında” 1 saylı protokolunun 24-cü bəndinə əsasən Bakı şəhərində iş vaxtının özəl sektorda saat 07.30 – 08.00 radələrində, bank sektorunda isə saat 10.00-dan başlanmasının tövsiyə edilməsi Azərbaycan Respublikasının Əmək və Əhalinin Sosial Müdafiəsi, İqtisadiyyat və Sənaye Nazirliklərinə və Bakı şəhəri İcra Hakimiyyətinə tapşırılmışdır.
Odur ki, “Bakı şəhərində nəqliyyatın hərəkətinin təkmilləşdirilməsi üzrə əlavə tədbirlər haqqında” 1 saylı protokolun 24-cü bəndinə uyğun olaraq Bakı şəhərində fəaliyyət göstərən özəl sektorda iş vaxtlarının yuxarıda göstərilən qaydada tətbiq olunmasını tövsiyə edirik.